माझ्या भावनांचे मूल्य
दोन दिवस, बारा फौरवर्डस आणि सत्तर लाईकस!
आणि त्यानंतर त्या ढकलल्या जाणारच असतात
या जगड्व्याळ माहितीच्या जाळ्याच्या
सूक्ष्मतम कोपऱ्यामध्ये
आणि म्हणे त्या शोधून बाहेर काढता येतात
कोणत्याही क्षणी, केवळ कुंजी पटलाच्या इशाऱ्याने!
आजकाल, कोण दु:खाचा शोध घेतो मुद्दाम,
तेही दुसऱ्याच्या?
पाचव्या युगाच्या निर्मितीचे दिंडीम वाजू लागले आहेत
भावनांचे माहितीकरण मोठ्या वेगात सुरु झाले आहे
माहिती युग!
कोणत्याही टिप्पण्‍या नाहीत:
टिप्पणी पोस्ट करा